Lo trobador es lo creator, lo hargaire; lo joglaire (o joglar) es l’interprèt. Lo joglar pòt salhir de mitans sociaus modèstes apuei ne pas auger recebut una instruccion hòrt sonhada. Mantuns, egau, se podèvan prevaler d’una bona instruccion literària e musicau. Sas qualitats son mèi que mèi lo don de chantar e violar, es a díser s’acompanhar en hadent a la vièla. Aquò dit, mantes trobadors, en mèi d’estar autors, son coneishuts pr’auger estat daus grans joglars : Sordèl, Perdigon, Pons de Chaptuelh, Aymeric de Peguilhan, Ramon Vidal de Besalú o enquèra Pèire Vidal.

Lo siti Trobadors d’Aquitània vos perpausa de descobrir la vita e l’òbra de las grandas figuras aquitanas dau Trobar. La figura de Jaufre Rudèl prince de Blaia, inventaire de « l’amor de lonh » inaugura aqueth siti. D’autes trobadors mei joglaires vengueràn chic a chic completar aqueth panorama, notadament au grat de l’organizacion de las Trobadas organizadas cada an desempuei 2011.