Chançon do'lh mot son plan e prim Se dubrís lo cant sus un motiu tradicionau de reverdie. Se deishuda la natura de prima caperant devath sa bruolha l’ausèth cantaire e lo poèta cantanèir. Mei que la voetz es la creacion ací qu’es soslinhada : « Obre e lim/Mots de valor/Ab art d’Amor ». Que lo cant aicí coma l’amor es un art que lo fin amant deu bien sapcher obrar per òps de ‘trapar lo de la hauta dama. Mès èstre un dauradèir daus mòts ne permet pas a l’aimador poèta d’escapar aus paradòxes dau fin amant que balanceja tostemps enter la Jòia la pus hauta e la dolor la mei prohonda ; sentiments intimament ligats a la noblessa de la dauna. E si l’aimador ten los mòts plan e prim, los lausengiers crenhuts, n’utilizan los lors sonque malavisadament carrejant la maishanta paraula, que lo cant atau enviat a lo poder de har calar doç. Ligam de cap a la cançon |
Quand chai la fuelha Lanquan son passat li giure
|